खेलकुद

वार्ड स्तरिय आरएफसी गोल्डकप सम्पन्न

इटहरी  । इटहरी उपमहानगरपालिका १८ को रहिपुरमा सञ्चालित काजी राई स्मृति आरएफसी गोल्डकप फुटबल प्रतियोगिता अन्तर्गत शुक्रबार भएको खेलमा  चौतारी युवा क्लव रहिपुर र बिसनपुर युवा क्लव तरहरा बीच फाईनल खेल सम्पन्न भएको छ ।
     फाईनल खेलमा बिसनपुर युवा क्लव तरहराले चौतारी युवा क्लव रहिपुरलाई १–० गोल अन्तरले पराजित गर्दै उपाधीमाथि कब्जा जमाउँदै १५ हजार नगद ट्रफि र मेडल ,प्रमाणपत्र प्राप्त गरेका छन । प्रतियोगितामा बिसनपुरका सागर तामाङ्गले सुन्दर १ गोल गरेका थिए । सोही गोल नै खेलको पहिलो र अन्तिम एवम निर्णायक गोल बन्न पुगेको थियो ।
     यसैगरी उपविजेता बनेको चौतारी युवा क्लव रहिपुरले ७ हजार नगद तथा शिल्डा,मेडल र प्रमाण पत्रमा चित्त बुझाएको छ । प्रतियोगितामा इटहरी एवम आसपासका क्षेत्रका १० वटा टिमले भाग लिएका थिए ।
     नव किरण युवा क्लवले आयोजना तथा युथक्रियसन सुनसरीको सहयोगमा संचालित उक्त गोल्डकप फुटल प्रतियोगिताका विजेता टिमलाई प्रदान गरिएको शिल्ड एवम नगद समाजसेवी प्रभात आचार्यले प्रयोजन गरेका थिए । त्यस खेल अवधिमा चौतारी युवा क्लवका मिलन राईले सर्वाधिक ४ गोल गरेको सरिता आचार्यले बताइन  । खेल शान्ता श्रेष्ठको अध्यक्षतामा सम्पन्न भएको थियो ।

सुनसरीका स्थानीय निकायमा मतदान स्थान तोकियो
इटहरी । नेपाल सरकारले स्थानीय तह पुर्नसंरचना आयोग मार्फत तयार गरेको स्थानीय तहको संरचना अनुसार यस सुनसरी जिल्लामा दुई उपमहानगरपालिका चार नगरपालिका र ६ गाउँपालिकामा विभाजित गरी टुङ्गोमा पु¥याएको छ ।
पछिल्लो स्थानीय तहको संरचना अनुसार सुनसरीको धरान उपमहानगरपालिका साविक पाँचकन्या र विष्णुपादुका मिलेर बनेको उपमहानगरपालिकामा २० वटा वडा निश्चिित भएको छ । यता तत्कालिन इटहरी नगरपालिकामा गाभिएका खनार हाँसपोसा पकली र एकम्वा गाविस सहित इटहरी उपमहानगरपालिका घोषित भएको र यस उपमहानगरपालिकामा पनि २० वटा वडा कायम भएको जिल्ला निर्वाचन कार्यालय सुनसरीले बताएको छ ।
यी दुवै उपमहानगरपालिकामा आगामी बैशाख ३१ गते हुने स्थानीय तहको निर्वाचनका लागि २४–२४ वटा मतदान स्थल तोकिएका छन । यस जिल्लाका २ उपमहानगरपालिका ४ नरपालिका र ६ गाउँपालिकामा जम्मा १६५ मतदान  स्थल कायम गरिएको जिल्ला निर्वाचन कार्यालयले जानकारी दिएको छ ।
उता सदरमुकाम इनरुवा रहेको इनरुवा नगरपालिकामा चाँदवेल मधेशा डुम्राहा जल्पापुर र बबिया जोडिएर इनरुवा नगरपालिका घोषित भएको तथा त्यहाँ साविकका गाविसहरुमध्ये चाँदवेला वडा नम्वर ७ मधेशा ६ नम्वर वडा, डुम्राहा वडा नम्वर ८ बबिया ९ नम्वर वडा र पुरानो इनरुवा नगरपालिका ५ वटा वडामा विभाजित भएको बताईएको छ ।
उता यो पछिल्लो संरचना अनुसार बराह नगरपालिकामा बराहक्षेत्र महेन्द्रनगर भरौल, प्रकाशपुर र मधुवन समेत जोडिएर बराह नगपालिका बनेको छ । दुहवीभलुवा नगरपालिकालाई आसपासका गाविसहरु जोडेर दुहवी र रामधुनीभासी नगरपालिकालाई पछिल्लो समयमा आएर रामधुनी नगरपालिका नामाकरण गरिएको छ ।
पछिल्लो संरचना अनुसार यस जिल्लामा बर्जु कोशी देवानगञ्ज हरिनगरा गढि र भोक्राहा गाउँपालिका घोषित भएका छन । यसअघि यस जिल्लामा ३९ वटा गाउँ विकास समिति रहेकामा ती सवै गाउ विकास समितिहरु अहिले गाउँपालिकामा समाहित भएका छन । यो भौगोलिक संरचनामा विभाजित भएको यस जिल्लामा आगामी बैशाख ३१ गते सम्पन्न हुने निर्वाचनका लागि कम्तिमा ४ लाख मतदाताले भाग लिने भएका छन । 


इटहरी । अन्तर्राराष्ट्रिय ओपन फ्रेन्डसीप तेक्वान्दो च्याम्पियनसिप प्रतियोगिताको १२ औँ संस्करण पूर्वाञ्चलको इटहरीमा आयोजना गरिने भएको छ  ।
इटहरीमा हाल सम्मकै ठुलो अन्र्तराष्ट्रिय स्तरको तेक्वान्दो प्रतियोगिताका रुपमा रहने प्रतियोगिता सन् २०१८मा आयोजना हुने पत्रकार सम्मेलन गरी जानकारी गराइएको हो ।
आईओएफटीसीले इटहरीमा पत्रकार सम्मेलनको आयोजना गरी प्रतियोगिता बारे जानकारी गराएको हो । आईओएफटीसी अमेरिकाको पोर्टल्याण्डमा स्थापना भएको अन्तर्राष्ट्रिय तेक्वान्दो संस्था हो ।
 संस्थाका प्रतियोगिता निर्देशक दिवाकर डान महर्जन सहितको टोली नेपाल आएर प्रतियोगिताको बारेमा जानकारी गराएको हो । पत्रकार सम्मेलनमा बोल्दै  प्रतियोगिता निर्देशक महर्जनले १२ औँ संस्करण आगामी सन् २०१८मा आयोजना गर्न लागिएको जानकारी दिएका हुन  । प्रतियोगिताको  तयारी अन्र्तगत खेल हुने स्थानको  बारेमा जानकारी दिन महर्जन सहितको टोली  अमेरिकाबाट नेपाल आएको हो ।
प्रत्येक २ । २ बर्षमा हुने प्रतियोगिताको १२ औँ संस्करण अष्ट्रेलियको सिड्नीमा आयोजना हुने भनिए पनि  खेलकुद परिषदको पहलले इटहरी ल्याइएको बताइयो  । आईओएफटीसीको १२ औँ संस्करणका लागि दक्षिण एसियाबाट नेपाल सहित भारत, पाकिस्तान,श्रीलंका,बंगलादेशको सहभागिता रहने छन । यस्तै प्रतियोगितामा अमेरिका,क्यानडा, बेलायत,मेक्सिको, मकाउ, हङकङ,जापान, कोरिया, ग्वाटेमाला लगायतका देशका खेलाडीहरुको सहभागीता हुने पत्रकार सम्मेलनमा जानकारी गराईयो ।
पूर्वमै पहिलो पटक हुन लागेको पहिलो अन्तर्राष्ट्रिय प्रतियोगिताले पूर्वको खेल विकासमा महत्वपूर्ण हुने राष्ट्रिय खेलकुद परिषदका सदस्य सचिव केशव कुमार विष्टले बताए ।  इटहरीमा गरिने प्रतियोगिताका लागि आवश्यक सहयोग खेलकुद परिषदबाट गर्ने पनि उनले जानकारी दिए  ।

<