ताजा खबर

राष्ट्रिय/अन्तराष्ट्रिय

अलास्कामा ८.२ म्याग्निच्यूडको शक्तिशाली भूकम्प, 


उत्तर अमेरिकी राज्य अलास्कामा मंगलबार ८.२ म्याग्निच्यूडको शक्तिशाली भूकम्प गएको छ । अमेरिकी भौगर्भिक विभाग (यूएसजीएस)ले भूकम्पका कारण सुनामी आउनसक्ने बताउँदै अमेरिकाको पश्चिमी सामुद्रिक क्षेत्र तथा हवाई क्षेत्रमा सुनामीको सम्भावित प्रभावबाट जोगिन नागरिकलाई विशेष सावधानी अपनाउन आग्रह गरेकोछ । भूकम्पका कारण अहिलेसम्म क्षतिको विवरण भने प्राप्त भएको छैन ।
अलास्काको कोडियक क्षेत्रबाट ३०० किलोमिटर दक्षिण–पूर्वमा सामुद्रिक सतहबाट करिब १० किलोमिटर गहिराइमा उक्त भूकम्पको केन्द्रविन्दु रहेको विभागले जनाएको छ । उत्तर–पश्चिमी प्यासिफिक सुनामी सचेतना केन्द्रले पनि भूकम्पपछिको प्रारम्भिक अनुसन्धानपछि भूकम्पप्रभावित क्षेत्रमा ‘खतरनाक तथा विशाल सुनामीका छाल’ आउने बताएको छ । उक्त क्षेत्रका नागरिकलाई जमिनका अग्ला सतहमा गइ शरण लिन निर्देशनसमेत गरिएको छ ।।

<