स्थानीय समाचार

गरिफा स्पोर्टिङ क्लब कोलकता सेमिफाईनलमा प्रवेश


इटहरीको क्षेत्रीय रंगशालामा जारी मदन भण्डारी स्मृति इटहरी गोल्डकपमा मंगलबार आयोजक राष्ट्रिय जागृती क्लब इटहरीलार्ई हराउँदै गरिफा स्पोर्टिङ क्लब कोलकता सेमिफाईनलमा प्रवेश गरेको छ । 
मंगलबार भएको अन्तिम क्वाटर फाईनल खेलमा ० का विरुद्ध १ गोल अन्तरले हराउँदै गरिफाले सेमिफाईनलको यात्रा पक्का गरेको हो । 
कडा प्रतिष्पर्धा भएको खेलमा गरिफाका लागि जर्सी नम्बर १० का खेलाडी चेस्सी सोलासले पहिलो हाफको २ मिनेटमा गोल गरेका थिए । खेलको दोस्रोे हाफमा निकै राम्रो अवसर पाएको जागृती क्लबले सदुपयोग गन असफल भयो । 
खेलको म्यान अफ द म्याच आयोजक राष्ट्रिय जागृती क्लबका प्रवेश दनुवार घोषित भएका छन् । उनले नगद १० हजार र ट्रफि प्राप्त गरेका छन् । बुधबार हुने  सेमिफाइनलमा त्रिभुवन आर्मी क्लब काठमाडौ र थ्रि स्टार क्लब काठमाडौ बिच प्रतिस्पर्धा हुने आयोजकले जनाएको छ  

 

<