स्थानीय समाचार

छुरी र रड देखाएर मोरङमा लूटपाट

मोरङको बुढीगंगा गाउँपालिका–२ अमाहीमा आज  बिहान करिब २ बजे लूटपाट भएको छ । छुरी र रड देखाउँदै पाँच जनाको अज्ञात समूहले सुरज चौधरीको घरमा लूटपाट गरेका हुन् । 
परिवारका सदस्यलाई नियन्त्रणमा लिएर चौधरीको घरबाट उनीहरुले दुई लाख रुपैयाँ, दुई तोला सुन, २० तोला चाँदी र दुई जोडी सुनको टप लगेको मोरङ प्रहरी प्रमुख एसपी अरुणकुमार बिसीले बताउनु भयो । 
लूटपाटमा संलग्नले घटना भएको बेला आफु सुतिरहेको चौधरीको भनाई छ । उनका अनुसार माक्स लगाएर आएका समूहले घटनास्थलमा अरु कोही नआउनु भनेर पटका पड्काउँदै आतंक समेत मच्चाएका थिए ।
लूटपाट मच्चाउने समूहको पहिचान हुन नसके पनि घटनाको नजिक पुगिसकेको प्रहरीले जनाएको छ । यस्तै, प्रहरीले घटनामा संलग्न भएको आशंकामा बुढीगंगा–२ का २४ वर्षीय अशोक सरदारलाई नियन्त्रणमा लिएको छ । 
अशोकका बुवा ४६ वर्षीय प्रेमलाल सरदार घटनामा संलग्न भएको हुन सक्ने आशंकामा प्रहरी तत्कालनै उनको घरमा पुगेको थियो । तर, आफुहरु त्यहाँ पुग्दा घरबाट भागिसकेकाले पनि घट्नामा उनकै हात रहेको प्रहरीको भनाई छ । प्रहरीले सरदार र चौधरीबीच केही समय अघि सामान्य विवाद समेत भएको पत्ता लगाएको छ ।
 

<