राष्ट्रिय/अन्तराष्ट्रिय

​परिक्षाको सात महिनापछि आयो ११ को रिजल्ट

कक्षा ११ को परीक्षाफल सार्वजनिक भएको छ । पहिलो पटक ग्रेडिङ प्रणालीबाट परिक्षाफल सार्वजनिक गरिएको हो । 
राष्ट्रिय परीक्षा बोर्डले माध्यमिक शिक्षा परीक्षा (एसईई) को प्रणालीलाई अनुसरण गर्दै प्राप्ताङ्क अनुसार नौ तहमा वर्गीकरण गरेर नतिजा प्रकाशन गरेको हो । एसइर्इको नतिजामा अधिकतम चार जीपीएलाई आधार मानेर प्राप्ताङ दिइएको थियो भने ११ मा पनि सोही प्रणाली अबलम्बन गरिएको छ । 
११ को परीक्षामा विद्यार्थीको विषयगत रुपमा ग्रेड छुट्टयाइए पनि एकमुष्ट नतिजामा यस्तो ग्रेड दिइएको छैन । परीक्षा बोर्डकी प्रवक्ता जयन्ती सत्यालका अनुसार कक्षा बाह्रको परीक्षापछि मात्र विद्यार्थीको नतिजा एकीकृत रुपमा आउने हुनाले त्यही बेलामा मात्र कुन ग्रेडमा उत्तीर्ण भयो भनेर छुट्टिनेछ ।
विद्यार्थीले कुनै एक विषयमा डी प्लस वा डि भन्दा कम ग्रेड ल्याएको रहेछ भने माघ २७ गते हुने ग्रेड वृद्धि मौका परीक्षामा सहभागी हुन पाउने छन् । गत असार पहिलो साता सम्पन्न भएको परीक्षामा तीन लाख ४७ हजार सात सय ४८ जना सहभागी थिए । परीक्षा सम्पन्न भएको सात महिनापछि नतिजा सार्वजनिक भएको हो ।

<