स्थानीय समाचार

रोट्रयाक क्लबद्धारा स्तन क्यान्सर सम्बन्धि सचेतनामुलक कार्यक्रम


रोट्रयाक क्लब अफ इटहरी र रोट्रयाक्ट क्लब अफ धरान घोपाको संयुक्त आयोजनामा शनिबार स्तन क्यान्सर सम्बन्धि सचेतनामुलक कार्यक्रम गरेको छ ।
इटहरी–८, को टेङ्ग्राटोली मुसहर बस्तिका महिलाहरुलाई सहभागि गराएर गरिएको कार्यक्रममा स्तन क्यान्सरको बारेमा जानकारी दिनुका साथै स्वयम् स्तन परिक्षण गर्ने तरिका समेत सिकाइएको थियो । १० जना महिलाहरु स्वयम् स्तन परिक्षण विधिमा सहभागी थिए । कार्यक्रम लाई विपी कोइराला स्वास्थ विज्ञान प्रतिष्ठान धरानका नर्सहरुले सहयोग गरेका थिए । 
जनचेतनाको अभाव, गरिबी, अशिक्षा र अज्ञानताका कारण स्तन क्यान्सरको बारेमा महिलालाई कुनै जानकारी नहुँदा महिलाको ज्यान जोखिममा पर्ने भएकाले रोग समयमै पहिचान गरि उपचार गर्न सघाउनका लागि कार्यक्रम गरिएको कार्यक्रम  संयोजक उर्मिला देवानले बताइन् ।।
 

<