ताजा खबर

स्थानीय समाचार

छाडा चौपायाका कारण अस्तब्यस्त इनरूवा 


सुनसरी सदरमुकाम समेत रहेको इनरुवा नगरपालिका सहित अन्य बजार क्षेत्रका सडकमा छाडा पशु चौपायाका कारण बजार अव्यवस्थित बन्दै गएको छ । इनरुवा नगरपालिका सहित जिल्लाको लौकही,भाणटावारी,कोशी ब्यारेज लगायतको क्षेत्रमा दिनप्रतिदिन सडकमा छाडा पशु चौपायाका कारण बजार अव्यवस्थित बन्दै गएको हो । इनरुवा नगरका छाडा पशु व्यवस्थित गर्न नसक्दा सडक छेउछाउका व्यापारी, सवारी चालक, पैदल यात्रुमात्रै होइनन् रिक्सा र सिटी चालकलाई पनि सास्ती भएको छ ।
बजार क्षेत्रका मुख्य सडकमा छाडा चौपायाले सडक बाट आवतजावत गर्न समस्या भएको स्थानीय रेनु आचार्य बताउछिन् । छाडा पशु चौपायका कारण पैदल हिँड्न समस्या भएको बताउदै उनले भनिन् छाडा पशुका कारण इनरुवा बजारको सौन्दर्य बिग्रिरहेको छसयसतर्फ इनरुवा नगरपालिका लगायत सम्बन्धित निकायको ध्यान गएको छैन । मुख्य बजारको मुख्य चौकमा समेत गाई,गोरु,भैंसी,खसी,बाख्रा,तथा अन्य बस्तुभाउ छाडा छोडदा बाटो हिड्ने मानिस लगायत व्यवसाय गर्नेलाई समेत समस्या भएको स्थानीयले बताएका छन् ।।
 

<