राष्ट्रिय/अन्तराष्ट्रिय

स्वतन्त्रको महाधिवेशन उद्घाटन पूर्व प्रधानन्यायाधीश रेग्मीले गर्ने

पोखरा, १२ चैत । स्वतन्त्र पत्रकार संघ नेपालको दोस्रो केन्द्रीय
महाधिवेशनको उद्घाटन समारोह सर्वोच्च अदालतका सम्माननीय पूर्व
प्रधानन्यायाधीश तथा नेपाल सरकार मन्त्रिपरिषद्का पूर्व अध्यक्ष खिलराज
रेग्मीको प्रमुख आतिथ्यतामा हुने भएको छ ।
देशको संक्रमणकालीन स्थितिमा मन्त्रिपरिषद्को अध्यक्षता ग्रहण गरी
निर्विघ्नतापूर्वक संविधान सभाको निर्वाचन सम्पन्न गराएका पूर्व
प्रधानन्यायाधीश रेग्मीको सम्मानस्वरुप प्रमुख आतिथ्यता ग्रहणका लागि
आमन्त्रण गरिएको र स्वीकृति प्राप्त भएको संघका केन्द्रीय अध्यक्ष
कृष्णप्रसाद बास्तोलाले जानकारी दिए ।
स्वतन्त्र पत्रकार संघ नेपालको केन्द्रीय महाधिवेशन यही चैत २३ गते
पोखरामा हुने भएको छ । महाधिवेशनमा संघको शाखा रहेका १३ जिल्लाका डेढ सय भन्दा बढी पत्रकार सहभागी हुने र केन्द्रीय समितिको निर्वाचन कार्यक्रम समेत रहेको छ  ।

<